E’gikonomaaged naagizowaabmjigan
Nandowenjigan
Owi nendowenjigaadeg maanda waabmdowewin aawon awii miinigaaziwaad ekinomaagejig gewe eshkiniigijig midaaswi shi niswi apiinish midaaswi shi naanon epiitizijig newen nikaaziwinan awii naadimaagaaziwaad nisastamiwaad newen neniizaanagikin owi miishkoons nikaazang owi ado inendamowiniwaa awii mina yaamigag, miinwaa epiichi gagaandinigaaziwaad awii bamishkamowaad danikimigiziwinan gnimaa age naadmaagwaad awii mimaanji mina izhayaawaad. Owi ntam eyaawong owi zhichigewin gikinomaagaaziwod waajii-ejig newen madookdaagewinan owi miishkoons owi ado wiinindib miinwaa inendamowin mina yaawin, miinwaa owi ekwa niizhing eyaawong miinigaaziwod eshkiniigijig bkaan dnowaa danakimigiziwinan maagwemigag naasaab dnowaa aabon eshchigemigag zhiwe wiinindib dash woshme mina bimaadizing nikiiyaa.
Owi gagaandinigaadeg wiijii-eng newen wiikijiwindowaa zhichigewinan dookinang owi wiikwiitowin wiiyaw dinakimigiziwin, madowechigeng, miinwaa mazinibiigeng, owi gikinomaagewin nandowendaan awii biskaakineseg owi bashigendamang owi dinakimigis woshme mena doodaagemigag owi maziwe wiiyaw mina yaawin. Maanda mazinigan ndowendaagwod awii miinigowin newen makowaabmjiginan miinwaa nikaaziwinan awii bamibidetowin giin gdo Baminaashkaman Beshigendaman gikinomaagewin miinwaa giikinaman nisidwaabmjigaadeg newen mina bimaadiziwin niizaanziwinan e’nowendaagwog owi miishkoons nikaazang, memdage gwa inendamowin mina yaawin.
Wiikijiwindowaa Eshkiniigijig
Owi ani nankiing newen eni ashi dikokiing, gdaa zhitoon giin gdo Baminaashkaman Beshigendaman gikinomaagewin awii miigwewin debwewin ayaawong gikendamowin, niigaaniwidowin naanaagidowendamang dinakimigiziwinan, miinwaa obinimowendamowaad eshkiniigijig awii baminaashkamiwaad beshigendamowaad, bwaa nikaazang miishkoons.
Niibna tenoon newen enji giizhendamowaad eshkiniigijig awii nikaaziwaad miishkoons: awii bekaaji-zhayaang, awii naazhinamiwaad godogitowendamowin miinwaa zinagendamowin, awii minendaagoziwaad, awii nda gikendamowad, awii digoyaawaad wiijikiwenwin, maage goweta gego oshkiwii awii gajitowaad. Aanin eshkiniigijig gnimaa adaa waabmdaanaa-aa miishkoons aawong akiing abi onjibaamigag miinwaa nendamoog waankiiwong.
Tenoon nowonj nikiiyaa awaazhi wiikijiwindowaad gewe eshkiniigijig awii gagaandinigaadeg nisaakosing miinwaa mina ginondiwin:
- Weweni bizindamang (gagwedwen nowonj agezhi nakwetamang gagwedwewinan, mina inendan, gagaandinan dinaangidoniwin)
- Azhaan owi gagwek nikiiyaa inendaman (osidizan zhiwe ayaawaad)
- Nisidotaagozin newen ado gagwedwewinan miinwaa eikidowaad
- Mazhisha dibaajiman owi nenda gashikitowin miinwaa wiindamo noondoodwaa
- Bizaanendan, bekaaji-zhayaan miinwaa miigwen nisastamiwin miinwaa azhiwenjigewin
Inaakininaman owi Bimaazhkan Beshigendaman Gikinomaadiwin
Bakesijigan owi Bimaashkaman Beshigendamowin Gikinomaagewin
| Biindigedibaajimowin | (5-10 dibagaans) |
| Gikendan newen debwewinan owi miishkoons miinwaa owi wiinindib | (10-15 dibagaans) |
| Nankiin newen dinakimigiziwin beshigendaman | (2-5 dibagaans) |
| Ekwaasemigag miinwaa gagwedwewinan | (10-15 dibagaans) |
- Aapiish ngoji: Gajitoon awii mikaman ngoji genji gashkitowin awii sweyaa-eg miinwaa bimamaajiiyeg dibishko gonaa enji daminong maage enji minendaagozing. Giizhpin endaayin onji gikendaasiyin, gagaanzam gewe eshkiniigijig awii mikamiwaad zhiwe endaawaad agenji bimamaajiiwaad.
- Minik Onjitaamigag: gdo gikinomaagewin adaa onjitaamigad megwaach 30 apiinish 45 dibagaans.
- Aabajikaaziwinan etemigag: nowonj gego gajitoon newen aabajikaaziwinan e’yaaman (dibishko gonaa, daminang nikaaziwinan, mazinibiigeng nikaaziwinan.)
- Waasamowin nikaaziwinan nendowendaagwog: aga minezin mazinaatesijigan waanji mazinaatesing maage gichi waasamo biiwaabik enji mazinaatesing owi yaaman maziwe kiing mazinaakizigan wiindamaagewin owi onji 360o Wiinindib gikinomaageng nikaaziwin miinwaa newen gajichigewin dinakimigiziwinan ezhibiigaadeg.
360° Wiinindib Gikinomaageng Nikaaziwin
Newen ginaagimiseg aaboon zhiwe miishkoonsing madookidaagemigad owi naasaab bembidegin zhiwe wiinindib e’digosing zhiwe wiinindib maajiiging. Owi nikiiyaa Biminaashkan Beshigendaman zhichigewin, waajii-ejig gikendaanaa-aan newen debwewinan owi nikiiyaa miishkoons ezhi madookidaagemigag bebezhig etemigag zhiwe wiinindib, miinwaa gnimaa adaa zhichigemigad gichi gnesh minik.
Owi 360° Wiinindib Gikinomaageng Nikaaziwin bimibidechigan, waajii-ejig ada gashkitonaa-aa awii ginowaabmdamiwaad nowonj etemigag zhiwe wiinindib miinwaa gikendamowaad eshichigemigag miinwaa owi bitaakshkaagewin miishkoons age dodemigagiba newen bebezhig etemigag. Gichi piitendaagwod awii gagaanjitaagewin owi wewiiba miishkoons nikaazang adaa gichi michaamigad owi endodaagemigag owi eshkiniigijig wiinindibiwaan, zaam owi wiinindib ayaa-aabi maajiigin apiinish niishtana shi naanon piitizing. Eshkiniigijig memdage niizaaniziwog newen modookidaagewina owi miishkoons owi wiinindib maajiiging miinwaa nankiiwin.
Ndo giikimaanaanig gikinomaagejig awii nisidiwendamowaad owi waasamo biiwabikoong mazina-igan jibwaa gikinomaagewin. Zhiwe owi gikinomaagewin, ekinomaagejig ada naagizowaabmdaan newen etemigag owi wiinindib medookidaagemigag naagidowendamang, inaaknigeng miinwaa giizhendamang.
Makowaajitaagoziwin owi woshme awii nishing ayaamiwin: Zhisodoon owi mazinaatesijigan owi onji niibna bemaadizijig aji ginowaabmdamiwaad owi 360o wiinindib naasaab apii.
Aanke Nikaaziwinan:
Baminaashkan Bezhigendaman Gikinomaageng Gikinwaabmjigan
Jibwaa maajitaawin aga bigosenimigwo awii gagwekwekwendaman ayaaman ninda eni zhibiigaadeg giizhaa zhisidowin...
- Newen Baminaashkaman Bezhigendaman mazinaatesijigaansag giishishinog miinwaa naagiziwog gikinomaagaazijig awii waabimaawaad
- E’gikinomaagaazijig adaa ayaanaa-aa misendamowaad waasamo mazinaatewibii`igeseg maage bebaamiwijigaadeg waasamo mazinaatewibii`igeseg onji gagwejitoong zhichigewinan dinakimigiziwinan (Niish dibagaans minik dinakimigizing) miinwaa owi 360° Wiinindib Gikinomaagewin Nikaaziwin
- Temigag deminig debetayaag gewe ekinomaagaazijig awii bimaajiiwaad (niish dibagaans dinakimigizing)
- Ayaaman epiichaag dibagaans
Ekinomaaged Zhibiiganan Dibaajimowin
| Giigidang tenon zhiwe naabinootawaawibiiganag “ ” |
| Zhinomaagewinan tenoon zhiwe bakesijiginan ( ) zhaawishkwaa bakesijiganan |
Ekinomaaged Zhibiiganan
“Agii gikendaan ana gewe Eshkiniigijig miinwaa oshki netaawigijig e’nikaaziwaad miizhkoons, memdage gwa miishkoons temigag THC, woshme nendaagoziwog awii yaamiwaad inendamowin mina yaawin zinagiziwinan?
Maanda onji zhiwebad zaam miishkoons adaa nashkwechigemigad owi mina yaawin wiinindib maajiiging apiinish niishtana shi aabata piitizing.
Eshkiniigijig miinwaa oshki netaawigijig e’nikaaziwaad miizhkoons woshme dinendaagoziwog awii ayaamiwaad gnesh ayaawong inendamowin mina yaawin zinagiziwinan e’digosing miishkoons penimaajigaadeg maage miishkoons nikaazan ayaamang giiwaajibidemigag, zinagendamong, maanaadendamang, miinwaa age gnimaa giiwinaadendamowin gewe giizhaa eyaamiwaad inodewiziwin inendamowin aakoziwin.”
Ekinomaaged Zhibiiganan
“Wegnesh owi Bimaashkan owi Beshigendaman? Ozhichigewin aawon myaajitaachigaademigag owi Mina Bimaadiziwin Gaanada awii gikinomaagowin owi niizaanziwinan owi miishkoons nikaazang gdo inendamowin mina yaamigag miinwaa wiinindib ezhi nakiimigag.
Miinwaa age aawon bimaanshkaman danakamigiziwinan age mina nendamigowin, bwaa temigag gnimaa mina yaawin miinwaa owi waankiiwin owi neniizaanag owi miishkoons.”
Ekinomaaged Zhibiiganan
“Onji maajitaadaa owi geshkana gagwedewin:
Aaniish epiitizing gdo wiinindib moshkin giizhiging? Naano biboon gizing, midaaswi biboon gizing, midaaswi shi naanon biboon gizing, niishtana biboon gizing maage niishtana shi naanon biboon gizing?”
Ekinomaaged Zhibiiganan
Ekinomaaged Zhibiiganan
“Wegnesh awaa dibaatamang nongo giizhigad
- Debwewin enjibaamigag gikendamowin newen endodaagemigag owi miishkoons owi gdo inendamowin mina yaawin miinwaa wiinindib ezhi nakiimigag.
- Danakamigiziwinan age baminaashkaman maagwemigag zhowaaj naabo eshchigemigag zhiwe wiinindib dash woshme mina izhayaawin nikiiyaa”
Ekinomaaged Zhibiiganan
“Owi wiinindib aabaji maajiigin apiinish niishtana shi naanon piitizing miinwaa aanin gnigaagimiseg aaboon zhiwe miishkoons adaa aanjitonan owi nikiiyaa wiinindib agaasing enji maajiiging wiijinakiimigag.
Miishkoons adaa madookidaan nowonj newen etemigag owi wiinindib miinwaa gnimaa adaa madookidaanan ninda eni zhibiigaadeg gichi gnesh:
Gdo:
- Nisidoziwinan;
- Bimaajiing miinwaa maamowi bimaajiimigag wiiyaw;
- Naagidowendamang, inaaknigeng miinwaa giizhendamang;
- Izhayaawinan, inendamowin miinwaa endoodaman;
- Gikendamowin miinwaa ezhi waabmdamang
Gikendamadaa newen debwewinan owi nikiiyaa miishkoons ezhi madookidang ensa bezhig owi e’temigag zhiwe wiinindib, miinwaa gnimaa age zhiwebikiba gnesh ani aawong.”
(Woshme owi gikendamowin ginowaabmdan:
Ekinomaaged Zhibiiganan
“Newen gnigaagimiseg aaboon zhiwe miishkoons dodaagemigad naasaab bbmibidechiganan zhiwe wiinindib e’digosing owi wiinindib maajiiging.
Owi nikiiyaa Biminaashkan Beshigendaman zhichigewin, gdaa gikendaanaa-aan newen debwewinan owi nikiiyaa miishkoons madookidaagemigag bebezhig etemigag zhiwe wiinindib, miinwaa gnimaa adaa dodaagemigad gichi gnesh minik.
Owi 360° Wiinindib Gikinomaageng Nikaaziwin, aga gashkiton awii ginowaabmdaman nowonj etemigag zhiwe wiinindib miinwaa gikendaman eshichigemigag miinwaa owi bitaakshkaagewin miishkoons age dodaagemigagiba newen bebezhig etemigag wiinindib.
Gichi piitendaagwod awii gagaanjitaagozing owi wewiiba miishkoons nikaazang adaa gichi michaamigad owi endodaagemigag owi eshkiniigijig wiinindibiwaan, zaam owi wiinindib ayaa-aabi maajiigin apiinish niishtana shi naanon piitizing.
Eshkiniigjig memdage niizaanziwog newen madookidaagewinan owi miishkoons owi wiinindib maajiiging miinwaa ezhi nakiimigag.”
Ekinomaaged Zhibiiganan
“Agii gikendaan ana eshkiniigijig miinwaa oshki netaawigijig e’nikaaziwaad miizhkoons, memdage gwa miishkoons temigag THC, woshme nendaagoziwog awii yaamiwaad inendamowin mina yaawin zinagiziwinan?
Maanda onji zhiwebad zaam miishkoons adaa nashkwechigemigad owi mina yaawin wiinindib maajiiging apiinish niishtana shi aabata piitizing.”
Ekinomaaged Zhibiiganan
“Ninda ajina endodaagemigag newen madookidaagewinan owi nikaazang Miishkoons
Madookidaan enimanjiwiyin miinwaa ezhayaawin – Aanigwa miishkoons gdaa niwebigwon miinwaa age aanigodinong, gdaa maanaaskaagwon e’digosin newen aanimendaman, zizegendaman miinwaa gichi maanaadendaman. Nikaazang miishkoonsing etemigag woshme shpaamigag owi THC (dibishko gonaa, baashkinese wiikibojigan, THC shpaamigag waasechiganaabikong ezhinaagwog nikaazang bimide awii bimigaadeg) adaa ani zhaamigad woshme shpaamigag maanaaji dodamowinan.
Woshme zinagad awii gikendaasang miinwaa awii makwendaman gego – Shkwaa nikaazang mishkoons, gnimaa gda zinagis naagidowendaman, makwendaman miinwaa gikendaman gego, miinwaa giizhendaman. Nikaazang miishkoons adaa naazhinaan gdo gashkitowin weweni awii zhichigeyin enji nakiiyin maage enji gikinomaagowin.
Giiwishikaamigad gdo gashkitowin awii bimibizochigewin maage bamibidetowin nakiiwinan – Bimibizochigeng maanzhi-aawon zhichigewin miinwaa dowendaagwod awii nikaazang nowonj etegin zhiwe wiinindib. Miishkoons adaa naazhinaan owi awii gashkitoyin wewiib awii ozhiitaayin gego aabdeg awii zhichigeyin, nashkwetaamigad owi gdo nagidowendamowin, miinwaa giiwishikaamigad wiiyaw maamowi maajiimigag. Giishpin gikenimad gwaya agaa nikaazad miishkoons, gegwa booske daabining.
Dibiwegendan woshme bkaan e’waankiimigag agezhi giiweyin. Ginosh owi Uber/ Lyft, bemidaabaazhiwed, maage gagwejim gwaya awii abi naanig.”
Ekinomaaged Zhibiiganan
“Gnesh endodaagemigag newen madookidaagewinan owi nikaazang miishkoons aawon madookdaagemigad inendamowin mina yaamigag aanin bemaadizijig.
Maajitaang nikaazang miishkoons wiiba, apiichin maage pane ani aawong ada zhiwebad owi maajiiging maage woshme maanaadag newen inendamowin mina yaawin zinagiziwinan e’nowendaagwog owi miishkoons penimandimong, zinagendamong, maanaadendamang, miinwaa age gnimaa giiwinaadendamowin gewe giizhaa eyaamiwaad inodewiziwin inendamowin aakoziwin.”
Ekinomaaged Zhibiiganan
“Owi gnimaa zhiwebak owi ayaamang ninda indendamowin aakoziiwinan woshme michaamigad gewe:
- gewe agaa maajitaawaad nikaaziwaad miishkoons woshme shkiniigiwaad
- gewe enkaaziwaad miishkoons wewiiba miinwaa ani piichaag (dibishko gonaa, ensa giizhigag maage gegaa ensa giizhigag)
- gewe enkaaziwaad miishkoonsing etemigag woshme shpaamigag owi THC (dibishko gonaa, 30 – 90% THC yaabaji makigaadeg zhiwe baashkinese wiikibojigan miinwaa bkaan aanin miishkoons abi onjibaamigag nikaaziwinan owi wiikwaandamang ishpaamigag THC)
- gewe eyaamjig inoodewiziwin giizhaa eyaamiwaad inendamowin aakoziwinan”
Ekinomaaged Zhibiiganan
“Debwewin temigad ekidomigag nikaazang miishkoons adaa naazhinaan owi endodaagemigag newen mashkikiin aanin gnimaa dyaapinamiwaad owi onji inendamowin aakoziwin (dibishko gonaa, zinagendamowin, gichi maanaadendamowin) miinwaa adaa naazhinigemigad gdo noojimowin. Debwewin age temigad waabmdowemigag owi naazhinaman maage nigaazidowin nikaaziyin miishkoons adaa naadmaagemigad nojimoomigag inendamowin mina yaawin.
Miishkoons aabate digosinon gegaa naasaab maji aaboon etemigag zhiwe sema aabate. Amiidash, zigaswaadamong miishkoons wewiiba ombishkaamigag niizaanziwin owi gichi gnesh maazhidodamowin odewin miinwaa opanan.”
Ekinomaaged Zhibiiganan
Ekinomaaged Zhibiiganan
“Owi gikina agaa gikendamang newen madookidaagewinan owi miishkoons, nongo gdo nisastaanaa adaa madookidaagemigad owi baminaashkamang newen dinakimigiziwinan beshigandamang awii zhichigewing.
Nahaaw dash, ndo waabmdamidaa aanin dinakimigiziwinan age baminaashkamiba maagwemigag gegaa naasaab aaboo eshichigemigag zhiwe wiinindib adash woshme mina bimaadizing nikiiyaa!”
Ekinomaaged Zhibiiganan
Ekinomaaged Zhibiiganan
“Aaniish minik giiniwaa beshigendameg nakiitowin wiiyaw dinakimigiziwinan?
Gnigaagimiseg aaboon zhiwe miishkoonsing madookidaanan niibna etegin wiinindib. Ninda wiinindib etegin age nikaazam epiichi nakiitowin gwiiyaw dinakimigiziwin.
Nakiitowin wiiyaw dinakimigizwinan beshigendaman dowendaagwodon nowonji dnowaa naanaagwi wiiwiying mashkowiziiwinan e’nankiimigag dibishko gonaa maamowi nakiimigag wiiyaw, nakwetamowin miinwaa dibishkoyaawin. Miishkoons ada madookidaanan ninda naanaagwi wiiwiyin mashkowiziiwinan, ayaawong age gnimaa adaa madookidaan owi gashkitowin awii minendaagoziiyin nankiiyin bezhigendaman.
Nakiitowin gwiiyaw adaa naadmaagemigad naazhinamang izhayaawinan owi zinagendamowin miinwaa gichi maanaadendamowin, miinwaa age naadmaamemigag nigaasidoong inendamowin aakoziwinan wiikaa bwa maajitaamigag.
Owi wiinindib aanikosing naagizowaabmdan nesewin miinwaa ode epiichibidemigag, miiwaa newen cerebellum, thalamus, basal ganglia miinwaa frontal lobe maamowi nakiimigadon awii naagizowaabmdaman dibishkoyaawin, wiiji bimaajiimigag wiiyaw, bimaajiing, nakwetamowin ayaawong miinwaa giizhendamang.”
Ekinomaaged Zhibiiganan
“Waawiindan owi dinakimigiziwin nendowendaagwog bezhig maage woshme ninda:
- majigininidiziwin
- dibishkoyaawin
- wiiji bimaajiimigag wiiyaw
- bimaajiing
- nakwetamowin
- giizhendamang”
Ekinomaaged Zhibiiganan
“Aaniish minik eyaayeg beshigendameg owi zhitowin miinwaa bazindaman madwewechigan?
Aanin bemaadizijig azhaawog owi miizhkoons awii bigidinamowaad godogitowendamowaad. Zhitoowin miinwaa bazindaman madwewechigan gda minindemigwon miinwaa naazhinaman godogitowendamowin.
Miishkoons adaa madookidaan inendamang miinwaa naagizowendamang (frontal lobe), izhayaawin (frontal lobe, amygdala), makwendamowin (hippocampus) miinwaa kowaabendamowin (hypothalamus), newen kina age basikaagemigag gwaya gashkitood awii gikendaasad miinwaa mamaanjiining.
Zhitoong miinwaa bazinjigaadeg madwewechigan bimaajibidemigad owi bagidiseg owi “mina Zhaayaawin” naabo dopamine zhiwe wiinindib frontal-temporal lobes, miinwaa naazhinaan owi godogitowendamowin maagwemigag hormone, cortisol.”
Ekinomaaged Zhibiiganan
“Waawiindan memaanji bazhigendaman madwewechigan.
Aaniish ezhiyaayiin apii nondaman owi?”
Ekinomaaged Zhibiiganan
“Aaniish minik eyaayeg beshigendameg ginowaabmdaman miinwaa mazinibiigeyin?
Aanin bemaadizijig azhaawog owi miizhkoons awii bigidinamowaad godogitowendamowaad.
Ginowaabmdaman miinwaa mazinibiigeyin adaa minendamigwon miinwaa naazhinaman godogitowendamowin.
Dibishko gonaa zhitoong maage bazindamang madwewechigan… Ginowaabmdaman miinwaa mazinibiigeyin maajiishkaamigad owi bagijiimigag owi “mina zhayaawin” aabo dopamine ginjiwiing owi wiinindib frontal-temporal lobes miinwaa naazhinang godogitowendamowin endodaagemigag owi naabewiwin cortisol.
Miishkoons age adaa madookidaan nanaagidowendamowin miinwaa naagizowendamang (frontal lobe), izhayaawin (frontal lobe, amygdala), makwendamowin (hippocampus) miinwaa kowaabendamowin (hypothalamus), newen kina age basikaagemigag gwaya gashkitood awii maajiigid.”
Ekinomaaged Zhibiiganan
“Gagwedweng epiichaag aawon miinwaa…
Nankiiwin owi mazinibiigewin dinakimigiziwin maajiibideg owi “mina zhayaawin” aabo ezhi gikenjigaadeg owi?
Cortisol, Dopamine, Hippocampus maage Frontal Lobe”
Ekinomaaged Zhibiiganan
Ekinomaaged Zhibiiganan
Ekinomaaged Zhibiiganan
“Kina gwaya ada wenaamdaan bezhig newen nakiitowin wiiyaw maage mazinigiigeng dinakimigisiwin. Agaa yaanaa niizho dibagaans gagweji bakinaadiwin.
Owi nakiitowin wiiyaw gdo ayaan awii wenaamdaman niish newen niiwin zhichigewinan:
- Bikwadinaag akwaandoweng
- Ombigwaashkwaniwin
- Giizis noomikwetawinan
- Aagawaate gagwedaganaanjigewin”
“Zhitowin mazinibiigan maage madowewechigan dinakmigiziwin gdaa wenaamdan bezhig dinakimigiziwin newen nisiwi dinakimigiziwinan:
- Gdaa wenaamdaan bezhig gego miidash mazinibii-an
- Azhaan odi www.weavesilk.com awii zhitowin waasamo biiwaabikoong mazinchigan
- Azhaan odi www.typatone.com ensa bezhig ozhibiigaans ozhibiiwad nowendaagozi owi mayaa madowewechigan eniweweg temigag shki nikiiyaa gdo madwewchige zhitowin”
Ekinomaaged Zhibiiganan
(Zhisidoon owi niisho dibagaans oginjigan. Apii giizhiitaayin, wiindamo gikinomojig.)
Ekinomaaged Zhibiiganan
“Wewiiba miinwaa gnesh miishkoons nikaazang adaa gichi madookidaagemigag owi wiinindib maajiiging miinwaa age inendamowin miinwaa wiiyaw mina yaamigag.
Owi memaanji nizhing nikiiyaa awii ginowendaman gdo mina bimaadiziwin aawon awii bwaa nikaaziyin miishkoons.
Nankiing owi nakiitoong wiiyaw dinakimigiziwin, madwewechigewin, mazinibiigewin, miinwaa wegwen gwa dinakimiziwinan beshigendaman, adaa maajitaamigadoon newen naasaab etemigag wiinidib owi miishkoons, memdage gwa apii gajitowin awii naazhinaman godogitowendamowin maage zinagendamowin.”
Ekinomaaged Zhibiiganan
“Aaniish agezhi Bamishkaman Beshigendaman?
Mazinaatesidoon owi QR gikinwaajichigan awii gikendaman woshme owi mina bimaadiziwin endodaagemigag owi miishkoons maage azhaan: Canada.ca/cannabis
Dibaatamang owi miishkoons miinwaa inendamowin mina yaawin ada ombishkaanon gagwezigwong inendamowinan. Giishpin giin maage gwaya gekenimad e’bakgwaakpiigwod, maage ayaang gagwedwewinan owi, miishkoons nikaaziwin miinwaa/maage indendamowin mina yaawin, owi Binoojiinig Naadamaagewin Giigido Biiwaabikoons adaa naadmaagemigad. Maanda zhichigewin miigwemigad niish inewinanan miinwaa giimodag aasgaabiwitaagewin zhiwe giigido biiwaabikoong miinwaa zhibiigewin, 24/7, miinwaa age bemaadizid ginonind ensa gabe-naagosh.”
