ᐃᓕᓴᐃᔨᒧᑦ ᐊᑐᖅᑕᐅᔪᖅ
ᐱᔭᒃᓴᕆᔭᐅᔪᖅ
ᑐᕌᒐᕆᔭᐅᔪᖅ ᑕᑯᔭᒃᓴᐅᑎᖃᕐᓂᖅ ᑐᓂᓯᓂᐊᕐᓗᓂ ᐃᓕᓴᖅᑎᓂᒃ ᐅᕕᒃᑲᐅᔪᓄᑦ ᐅᑭᐅᓖᑦ 13-ᓂᑦ 15-ᓄᑦ ᐃᑲᔪᕈᖕᓇᖅᑐᓂᒃ ᑐᑭᓯᐊᓂᐊᕐᓗᑎᒃ ᐅᓗᕆᐊᓇᕐᓂᖃᕐᓂᖏᓐᓂᒃ ᓱᐴᖅᑐᕐᓗᒐᖃᑦᑕᕐᓂᖅ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖏᓐᓄᑦ, ᐊᑕᐅᑦᑎᒃᑯᑦ ᐃᑲᔪᖅᑐᕐᓗᒋᑦ ᖃᓄᐃᓕᐅᕈᑎᓂᒃ ᕿᓂᕐᓗᑎᒃ ᐃᑲᔪᕈᖕᓇᖅᑐᓂᒃ ᐱᐅᓛᒥᒃ ᐃᒃᐱᒍᓱᒍᖕᓇᕐᓂᖏᓐᓄᑦ. ᓯᕗᓪᓕᖅᐹᖑᔪᖅ ᐃᓚᒋᔭᐅᔪᒥᑦ ᐊᑐᖅᑕᐅᓯᒪᔪᓂᒃ ᐃᓕᓴᐃᔪᖅ ᐃᓚᐅᖃᑕᐅᔪᓂᒃ ᖃᓄᐃᖓᓕᖅᑎᑦᑎᖃᑦᑕᕐᓂᖏᑦ ᓱᐴᖅᑐᕐᓗᒐᐅᑉ ᖃᕆᑕᖏᓐᓄᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖏᓐᓄᑦ, ᐱᖃᑖ ᐃᓚᒋᔭᐅᔪᖅ ᑐᓂᓯᑉᓗᓂ ᐅᕕᒃᓴᓂᒃ ᐊᓯᖏᓐᓂᑦ ᖃᓄᐃᓕᐅᕈᑎᖃᕈᖕᓇᖅᑕᖏᓐᓂᒃ ᐊᔾᔨᕐᓚᖏᓐᓂᒃ ᖃᓄᐃᓕᑎᑦᑎᓂᖃᖅᑐᑦ ᖃᕆᑕᕐᒥᑦ ᑭᓯᐊᓂ ᖃᓄᐃᖏᓐᓂᖅᓴᐅᔪᒃᑯᑦ.
ᐃᑲᔪᖅᑐᐃᓗᓂ ᐃᓚᐅᖃᑕᐅᖁᓗᒋᑦ ᐊᑐᖅᓯᒪᓂᕆᔭᐅᔪᓄᑦ ᑎᒥᒃᑯᑦ ᖃᓄᐃᓕᐅᖅᑎᑦᑎᓂᕐᒧᐊᖅᑎᑦᑎᔪᒥᒃ, ᑎᑕᒃᑐᓂᒃ ᐃᒻᖏᖅᑐᓂᒃ, ᐊᒻᒪᓗ ᓴᓇᙳᐊᕐᓂᕐᒥᑦ, ᐃᓕᓴᐃᓂᖅ ᑐᕌᒐᖃᖅᑐᖅ ᐱᔪᒪᓕᖅᑎᑦᑎᓂᐊᕐᓗᓂ ᖃᓄᐃᓕᐅᕐᓂᐅᔪᒧᑦ ᐃᑲᔪᐃᓂᖃᕐᓂᖅᓴᐅᔪᒥᒃ ᑕᒪᐃᓐᓄᑦ ᖃᓄᐃᖏᑦᑎᐊᕐᓂᖏᓐᓄᑦ. ᑎᑎᖅᖃᐅᑎ ᑐᕌᒐᖃᖅᑐᖅ ᑐᓂᓯᓂᐊᕐᓗᓂ ᐃᑲᔪᖅᑐᓂᒃ ᐊᒻᒪᓗ ᐊᑐᖅᑕᐅᔪᖕᓇᖅᑐᓂᒃ ᑲᒪᒋᔭᖃᕐᓂᐊᕐᓗᑎᑦ ᐱᔪᒪᔭᐃᑦ ᐱᓇᓱᒍᒃ-ᒥᑦ ᐃᓕᓴᐃᓂᖅ ᐊᒻᒪᓗ ᖃᐅᔨᒪᓕᖅᑎᑦᑎᔪᖅ ᐋᓐᓂᐊᖃᖅᑕᐃᓕᒪᓂᕐᒧᑦ ᐅᓗᕆᐊᓇᖅᑐᓂᒃ ᐊᑐᖅᑕᐅᓂᖓ ᓱᐴᖅᑐᕐᓗᒐᖅ, ᐱᓗᐊᖅᑐᒥᑦ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ.
ᐃᓚᐅᑎᑦᑎᓂᖅ ᐅᕕᒃᑲᓂᒃ
ᐊᔾᔨᒌᙱᑦᑐᑦ ᐱᕙᓪᓕᐊᓂᒃᑰᕐᓗᓂ, ᓴᓇᔪᖕᓇᖅᑕᐃᑦ ᓇᖕᒥᓂᖅ ᐱᔪᒪᔭᐃᑦ ᐱᓇᓱᒍᒃ- ᒥᑦ ᐃᓕᓴᐃᓂᕆᓂᐊᖅᑕᐃᑦ ᑐᓂᓯᓂᐊᕐᓗᑎᑦ ᐱᓯᒪᓂᒃᑰᖓᔪᒃᑯᑦ ᑐᑭᓯᐅᒪᔾᔪᑎᓂᒃ, ᐱᒋᐊᖅᑎᑦᑎᓗᑎᑦ ᐃᓱᒪᑎᑦᑎᓂᖃᖅᑐᓂᒃ ᖃᓄᐃᓕᐅᖅᑎᑦᑎᓂᕐᓂᑦ, ᐊᒻᒪᓗ ᐱᔪᒪᓕᖅᑎᓪᓗᒋᑦ ᐅᕕᒃᑲᐃᑦ ᕿᓂᕐᓗᑎᒃ ᐱᔪᒪᔭᖏᓐᓂᑦ, ᐊᑐᙱᓪᓗᑎᒃ ᓱᐴᖅᑐᕐᓗᒐᓂᒃ.
ᐊᒥᓱᓂᒃ ᐱᔾᔪᑎᖃᖃᑦᑕᖅᑐᑦ ᐅᕕᒃᑲᐃᑦ ᐃᓱᒪᓕᐊᖏᑦ ᓱᐴᖅᑐᕐᓗᒐᖅᑐᕐᓂᐊᕐᓗᑎᒃ: ᐊᒃᓱᕈᙱᓐᓂᖃᕐᓗᑎᒃ, ᐊᒃᓱᕈᕈᖕᓃᕐᓗᑎᒃ ᐊᒻᒪᓗ ᖁᒃᓴᓱᙱᓪᓗᑎᒃ, ᖁᕕᐊᒋᔭᕐᒥᒃ ᐊᑐᕐᓗᑎᒃ, ᐆᒃᑐᕋᕐᓗᑎᒃ, ᐱᖃᓐᓈᖏᓐᓄᑦ ᐃᓚᐅᓗᑎᒃ, ᐅᕝᕙᓘᓐᓃᑦ ᐆᒃᑐᕐᓗᑎᒃ ᓄᑕᐅᔪᒥᒃ. ᐃᓚᖏᑦ ᐅᕕᒃᑲᐃᑦ ᑕᑯᔪᖕᓇᖅᑐᑦ ᓱᐴᖅᑐᕐᓗᒐᐃᑦ ᐱᕈᖅᑐᑑᖕᒪᑦ ᐊᒻᒪᓗ ᐃᓱᒪᒋᓗᒍ ᐅᓗᕆᐊᓇᕐᓂᖃᙱᒻᒪᑦ.
ᒪᕐᕉᖕᓂᒃ ᐊᑐᕈᖕᓇᖅᑐᑦ ᐅᕕᒃᑲᓂᒃ ᐃᓚᐅᑎᑦᑎᓂᐊᕐᓗᓂ ᐃᑲᔪᖅᑐᐃᔪᒥᒃ ᐅᒃᑯᐃᖓᔪᒃᑯᑦ ᐊᒻᒪᓗ ᐱᑦᑕᐅᔪᒃᑯᑦ ᐅᖃᖃᑎᖃᕐᓂᕐᒥᒃ.
- ᑐᓵᓂᖅ (ᐊᐱᕆᓗᓂ ᐅᒃᑯᐃᖅᓯᔪᒥᒃ-ᐃᓱᓕᓂᖃᖅᑐᒥᒃ ᐊᐱᖅᖁᑎᓂᒃ, ᐱᑦᑕᐅᔪᓂᒃ ᐱᖃᕐᓗᑎᑦ, ᐃᑲᔪᖅᑐᐃᓗᓂ ᐅᖃᓪᓗᕆᒃᓴᐅᑎᓂᖃᕐᓂᕐᒥᒃ)
- ᓇᓚᐅᑦᑎᔪᒧᑦ ᐃᓱᒪᓂᖃᕐᓂᕐᒧᐊᕐᓗᓂ (ᐊᑐᖅᑕᖓᓐᓄᐊᕆᐊᕐᓗᑎᑦ)
- ᑭᐅᖃᑦᑕᕐᓗᑎᑦ ᑐᑭᓯᓐᓇᖅᑐᓂᒃ ᐊᐱᖅᖁᑎᒋᔭᖏᓐᓄᑦ ᐊᒻᒪᓗ ᐅᖃᐅᓯᕆᔭᖏᓐᓄᑦ
- ᑐᑭᓯᓐᓇᕐᓗᑎᑦ ᐱᓇᓱᒃᑕᕐᓄᑦ ᐊᒻᒪᓗ ᖃᐅᔨᒪᑎᓪᓗᒋᑦ ᑐᓵᒐᒃᑎᒃ
- ᐅᐃᒪᔮᖏᓪᓗᑎᑦ, ᐊᒃᓱᕈᕐᓂᖃᙱᓪᓗᑎᑦ ᐊᒻᒪᓗ ᐃᒃᐱᒋᕝᕕᒋᓂᕐᒥᒃ ᑐᓂᓗᒋᑦ ᐊᒻᒪᓗ ᐃᒃᐱᒍᓱᑦᑎᐊᕐᓂᕐᒥᒃ
ᐃᓕᑦᑎᒃᑲᓐᓂᕐᓂᐊᕐᓗᓂ ᖃᓄᖅᑑᕈᑎᒃᑲᓐᓂᐅᔪᓂᒃ ᐅᖃᓪᓚᖃᑎᒋᓂᐊᕐᓗᒋᑦ ᐅᕕᒃᑲᐃᑦ ᓱᐴᖅᑐᕐᓗᒐᐃᑦ ᒥᒃᓵᓄᑦ, ᑕᑯᓗᒍ ᐅᖃᐅᓯᖃᕐᓂᖅ ᐃᓐᓈᕋᓄᑦ ᐋᖓᔮᕐᓇᖅᑐᐃᑦ ᒥᒃᓵᓄᑦ ᐊᒻᒪᓗ ᐅᖃᓪᓚᖃᑎᒋᓗᒋᑦ ᓄᑕᖅᖃᑎᑦ ᓱᐴᖅᑐᕐᓗᒐᐃᑦ ᒥᒃᓵᓄᑦ
ᐸᕐᓇᐃᓂᖅ ᐱᔪᒪᔭᐃᑦ ᐱᓇᓱᒍᒃ-ᒥᑦ ᐃᓕᓴᖅᑕᖕᓂᑦ
ᐊᕕᒃᑐᖅᓯᒪᔪᑦ -ᒥᑦ ᐃᓕᓴᖅᑕᐅᔪᒧᑦ
ᐊᑯᓂᐅᑎᒋᓂᐊᕋᓱᒋᔭᐅᔪᖅ: 30-45 ᒥᓂᑦᓂᑦ
| ᑐᑭᓯᑎᑦᑎᓂᖅ | (5 - 10 ᒥᓂᑦ) |
| ᐃᓕᑦᑎᒋᑦ ᐱᔾᔪᙱᖃᖅᑐᓂᒃ ᓱᐴᖅᑐᕐᓗᒐᓂᒃ ᐊᒻᒪᓗ ᖃᕆᑕᕐᒥᑦ | (10 - 15 ᒥᓂᑦ) |
| ᐃᓚᐅᑎᑦᑎᓂᖅ ᖃᓄᐃᓕᐅᖅᑎᑦᑎᓂᕐᓄᑦ ᐱᔪᒪᓂᖃᕐᕕᒋᔭᕐᓄᑦ | (2 - 5 ᒥᓂᑦ) |
| ᐱᐊᓂᒃᐸᓪᓕᐊᓂᖅ ᐊᒻᒪᓗ ᐊᐱᖅᖁᑏᑦ | (10 - 15 ᒥᓂᑦ) |
ᖃᑉᓯᐊᕐᔪᖕᓂᑦ ᐃᓱᒪᒃᓴᖅᓯᐅᕈᑎᖃᕆᐊᖃᖅᑐᑦ…
- ᐃᓂᐅᔪᖅ: ᐃᓂᖅᖁᖅᑐᔪᒥᒃ ᓇᓂᓯᓗᑎᑦ ᐊᐅᓚᕝᕕᒋᔪᖕᓇᕐᓂᐊᖅᑕᖕᓂᑦ ᓲᕐᓗ ᐱᖃᐃᓕᓴᕐᕕᖕᒥᑦ ᐅᕝᕙᓘᓐᓃᑦ ᕿᑎᒡᕕᐅᖃᑦᑕᖅᑐᒥᑦ. ᐊᖏᕐᕋᖕᓂᑦ ᐃᓕᓴᕈᕕᑦ, ᐃᑲᔪᖅᑐᕐᓗᒍ ᐅᕕᒃᑲᖅ ᓇᓂᓯᓂᐊᕐᓗᓂ ᐃᓂᐅᔪᒥᒃ ᐊᖏᕐᕋᖕᓂᑦ ᐊᐅᓚᔪᖕᓇᕐᓂᐊᕐᓗᑎᒃ.
- ᐱᕕᖃᕐᓂᖅ: ᐃᓕᓴᕐᓃᑦ 30-ᓂᒃ 45-ᒥᓂᑦᓄᑦ ᐊᑯᓂᐅᑎᒋᓂᐊᖅᑐᖅ.
- ᐱᕝᕕᐅᔪᖕᓇᖅᑐᑦ ᒪᓂᒪᔪᑦ: ᐃᓱᒪᒋᓗᒋᑦ ᐱᕝᕕᐅᔪᖕᓇᖅᑐᑦ ᐃᓕᖕᓄᑦ (ᓲᕐᓗ, ᐱᖃᐃᓕᓴᕐᓂᒃᑯᑦ ᕿᑎᒃᑐᓄᑦ ᐊᑐᖅᑕᐅᓲᑦ, ᓴᓇᙳᐊᓕᕆᓂᕐᒧᑦ ᐊᑐᖅᑕᐅᓲᑦ)
- ᐱᓕᕆᐊᒧᑦ ᐱᔭᕆᐊᖃᖅᑐᑦ: ᐊᔾᔨᓂᒃ ᑕᑯᒃᓴᐅᕝᕕᐅᔪᖕᓇᖅᑐᒥᒃ ᑕᑯᒃᓴᐅᑎᑦᑎᔪᖕᓇᖅᑐᒥᒡᓗ ᐅᕝᕙᓘᓐᓃᑦ ᐊᖏᔫᔪᒥᒃ ᖃᕆᑕᐅᔭᒧᑦ ᓵᖑᔪᒥᑦ ᑕᐅᑐᒡᕕᖕᒥᑦ ᖃᕆᑕᐅᔭᒃᑰᕈᖕᓇᐅᑎᖃᕐᓗᓂ 360˚ ᖃᕆᑕᕐᒧᑦ ᐃᓕᓴᐃᓂᕐᒧᑦ ᐊᑐᖅᑕᐅᔪᒧᑦ ᐊᒻᒪᓗ ᖃᓄᐃᓕᐅᕈᑕᐅᓂᐊᖅᑐᓄᑦ ᑎᑎᕋᖅᓯᒪᔪᓄᑦ.
360˚ ᖃᕆᑕᕐᒧᑦ ᐃᓕᓴᐃᓂᕐᒧᑦ ᐊᑐᖅᑕᐅᔪᖅ
ᓱᐴᖅᑐᕐᓗᒐᕐᒦᑦᑐᑦ ᐊᒃᑐᖅᓯᔪᖕᓇᖅᑐᑦ ᐋᖅᕿᐅᒪᔪᓂᑦ ᖃᕆᑕᕐᒧᑦ ᐃᓚᐅᔪᓂᒃ ᖃᕆᑕᐅᑉ ᐱᕈᖅᐸᓪᓕᐊᓂᖓᓄᑦ. ᐱᔪᒪᔭᐃᑦ ᐱᓇᓱᒍᒃ-ᑯᑦ ᐊᑐᖅᓯᒪᔭᒃᑯᑦ, ᐃᓚᐅᖃᑕᐅᔪᑦ ᐃᓕᑦᑎᓂᐊᖅᑐᑦ ᐱᓯᒪᔪᓂᒃ ᖃᓄᖅ ᓱᐴᖅᑐᕐᓗᒐᖅ ᐊᒃᑐᖅᓯᖃᑦᑕᕐᒪᖔᑦ ᖃᕆᑕᕐᒥᑦ, ᐊᒻᒪᓗ ᖃᓄᐃᓕᔪᖕᓇᕐᒪᖔᑦ ᐊᑯᓂᐅᔪᒧᑦ.
360°ᖃᕆᑕᕐᒧᑦ ᐃᓕᓴᐃᓂᕐᒧᑦ ᐊᑐᖅᑕᐅᔪᖅ ᐊᑐᖅᑕᐅᒧᑦ, ᐃᓚᐅᖃᑕᐅᔪᑦ ᐱᔪᖕᓇᕐᓂᐊᖅᑐᑦ ᐊᔾᔨᒌᙱᑦᑐᓂᒃ ᖃᕆᑕᕐᒦᑦᑐᓂᒃ ᐊᒻᒪᓗ ᐃᓕᑦᑎᓗᑎᒃ ᖃᓄᐃᓕᐅᖃᑦᑕᕐᒪᖔᑕ ᐊᒻᒪᓗ ᐊᒃᑐᖅᓯᓂᖓ ᓱᐴᖅᑐᕐᓗᒐᕐᒥᑦ ᐊᑐᖃᑦᑕᕐᓂᐅᑉ ᐊᑐᓂᒧᑦ. ᐱᒻᒪᕆᐅᔪᖅ ᖃᐅᔨᒪᔭᐅᑎᓪᓗᒍ ᖃᑉᓰᖅᑕᕐᓗᑎᒃ ᓱᐴᖅᑐᕐᓗᒐᖅ ᐊᑐᖅᑕᐅᖃᑦᑕᕐᓂᖓ ᐱᑎᑦᑎᔪᖕᓇᕐᒪᑦ ᐊᖏᔪᒥᒃ ᐊᒃᑐᖅᓯᓗᓂ ᐃᓐᓈᕋᐅᓕᖅᑐᑦ ᖃᕆᑕᖏᓐᓄᑦ, ᖃᕆᑕᖅ ᐱᕈᖅᐸᓪᓕᐊᑎᓪᓗᒍ ᐅᑭᐅᒧᑦ ᑎᑭᓪᓗᑎᒃ 25-ᒧᑦ. ᐅᕕᒃᑲᐃᑦ ᐊᒃᑐᖅᑕᐅᔪᖕᓇᓗᐊᖅᑐᑦ ᖃᓄᐃᖓᓕᖅᑎᑦᑎᓂᖏᓐᓄᑦ ᓱᐴᖅᑐᕐᓗᒐᐅᑉ ᖃᕆᑕᐅᑉ ᐱᕈᖅᐸᓪᓕᐊᓂᖓᓄᑦ ᐊᒻᒪᓗ ᐊᔪᙱᓐᓂᖓᓄᑦ.
ᐃᑲᔪᖅᑐᖅᑕᐅᕗᑦ ᐃᓕᓴᐃᔩᑦ ᖃᐅᔨᒪᓕᕐᓗᒋᑦ ᐊᑐᖅᑕᐅᔪᑦ ᐃᓕᓴᐃᓂᐊᕐᓗᑎᒃ. ᐃᓕᓴᐃᓂᕐᒥᑦ, ᐃᓕᓴᐃᔩᑦ ᑕᐅᑐᒐᖃᕐᓂᐊᖅᑐᑦ ᖃᕆᑕᐅᕐᒥᑦ ᐊᒃᑐᖅᓯᔪᓂᒃ ᐃᓱᒪᓂᕐᒧᑦ, ᐸᕐᓇᐃᓂᕐᒧᑦ ᐊᒻᒪᓗ ᐃᓱᒪᓕᐅᕆᓂᕐᒧᑦ. ᐃᓕᓴᐃᑎᓪᓗᒋᑦ ᐃᓕᓴᐃᔩᑦ ᐱ?ᓕᕆᐊᖃᕐᓂᐊᖅᑐᑦ ᑎᓴᒪᐃᑦ ᐃᓚᒋᔭᐅᔪᓂᑦ “ᐃᓱᒪᓂᖅ ᐊᒻᒪᓗ ᐸᕐᓇᐃᓂᖅ”-ᒥᑦ.
ᐃᑲᔫᑎ ᐊᑐᕐᓂᑯᖃᑦᑎᐊᕐᓂᖅᓴᐅᓂᐊᕐᓗᓂ: ᐊᔾᔨᓂᒃ ᑕᐅᑐᒍᑎᒥᒃ ᐋᖅᕿᒃᓯᓗᑎᑦ ᐊᒥᓱᓄᑦ ᑕᑯᔭᐅᓂᐊᕐᒪᑦ 360˚ ᖃᕆᑕᖅ ᐊᑕᐅᑦᑎᒃᑯᑦ.
ᐊᓯᖏᑦ ᐱᕝᕕᐅᔪᖕᓇᖅᑐᑦ
ᑎᑎᕋᖅᓯᒪᔪᓄᑦ ᓱᐴᖅᑐᕐᓗᒐᓄᑦ, ᑕᑯᓗᒍ ᐅᖃᐅᓯᕆᓗᒋᑦ ᓱᐴᖅᑐᕐᓗᒐᐃᑦ ᒥᒃᓵᓄᑦ
ᐱᔪᒪᔭᐃᑦ ᐱᓇᓱᒍᒃ-ᒥᑦ ᐃᓕᓴᐃᓂᕐᒧᑦ ᒪᓕᒃᑕᐅᔪᒃᓴᖅ
ᐱᒋᐊᕐᓂᐊᓵᖅᑎᓪᓗᑎᑦ ᐅᑯᓂᙵᑦ ᐋᖅᕿᒃᓯᓯᒪᓂᐊᖅᐳᑎ…
- ᐱᔪᒪᔭᐃᑦ ᐱᓇᓱᒍᒃ-ᒧᑦ ᐊᔾᔩᑦ ᐋᖅᕿᒃᓯᒪᓗᒋᑦ ᐊᒻᒪᓗ ᑕᑯᔭᐅᔪᖕᓇᕐᓗᑎᒃ ᐃᓕᓴᖅᑎᓄᑦ
- ᐃᓕᓴᖅᑏᑦ ᖃᕆᑕᐅᔭᖃᖅᑐᑦ ᖃᕆᑕᐅᔭᕋᓛᒥᓪᓘᓐᓃᑦ ᓱᓇᓕᐅᕆᓂᕐᒧᑦ (2 ᒥᓂᑦᒥᒃ ᓱᓕᕆᑎᑦᑎᓂᖅ) ᐊᒻᒪᓗ 360˚ ᖃᕆᑕᕐᒧᑦ ᐃᓕᓴᐃᓂᕐᒧᑦ ᐊᑐᖅᑕᐅᔪᖅ
- ᓈᒻᒪᒃᑐᒥᒃ ᐃᓂᖃᖅᑎᓪᓗᒋᑦ ᐃᓕᓴᖅᑏᑦ ᑎᒥᒃᑯᑦ ᖃᓄᐃᓕᐅᕐᓂᖃᕐᓂᐊᕐᓗᑎᒃ (2 ᒥᓂᑦᒥᒃ ᓱᓕᕆᑎᑦᑎᓂᖅ)
- ᖃᑉᓯᓄᑦ ᓈᓴᐃᔪᒥᒃ ᐱᖃᕐᓗᑎᑦ
ᐃᓕᓴᐃᔨᐅᑉ ᑎᑎᕋᖅᑕᖏᓐᓄᑦ ᓇᓗᓇᐃᔭᐃᔾᔪᑎ
| ᐃᓕᓴᐃᔨᐅᑉ ᐅᖃᐅᓯᕆᔭᖏᑦ |
| ᖃᓄᐃᓕᐅᖅᑎᑦᑎᔪᑦ ᐃᒪᓐᓇᐃᖦᖢᑎᒃ () ᑐᖑᔪᐊᖓᔫᑉᓗᑎᒃ |
ᐃᓕᓴᐃᔨᒧᑦ ᓄᓇᓛᖅ
ᖃᐅᔨᒪᕕᑦ ᐅᕕᒃᑲᐃᑦ ᐊᒻᒪᓗ ᐅᕕᒃᑲᐃᑦ ᐃᓐᓇᕈᖅᐸᓪᓕᐊᔪᑦ ᓱᐴᖅᑐᕐᓗᒐᖅᑐᖃᑦᑕᖅᑐᑦ, ᐱᓗᐊᖅᑐᒥᑦ ᓱᐴᖅᑐᕐᓗᒐᐃᑦ THC-ᖃᖅᑐᓂᑦ, ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖓᒍᑦ ᐃᖢᐃᓗᑕᖃᕆᐊᔭᓐᓂᖅᓴᐅᕙᑦ? ᑕᐃᒪᓐᓇᐃᖃᑦᑕᖅᑐᑦ ᓱᐴᖅᑐᕐᓗᒐᐃᑦ ᐃᖢᐃᓵᕆᔪᖕᓇᕐᒪᑕ ᖃᓄᐃᖏᑦᑎᐊᖅᑐᒥᑦ ᖃᕆᑕᐅᑉ ᐱᕈᖅᐸᓪᓕᐊᓂᖓᓂᑦ ᑭᓯᐊᓂ 20 ᕿᑎᐊᓂᑦ ᐅᑭᐅᖃᓕᖅᐸᑕ. ᐅᕕᒃᑲᐃᑦ ᐊᒻᒪᓗ ᐅᕕᒃᑲᐃᑦ ᐃᓐᓇᕈᖅᐸᓪᓕᐊᔪᑦ ᐊᑐᖃᑦᑕᖅᑐᑦ ᓱᐴᖅᑐᕐᓗᒐᓂᑦ ᐊᑐᕈᖕᓇᕐᓂᖅᓴᐅᔪᑦ ᐊᑯᓂᐅᔪᒥᒃ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖓᑕ ᐃᖢᐃᓗᑕᐅᔪᓂᒃ ᐃᓚᐅᑉᓗᑎᒃ ᓱᐴᖅᑐᕐᓗᒐᕐᒥᑦ ᐊᑐᕆᐊᖃᕐᓂᖅ ᐅᕝᕙᓘᓐᓃᑦ ᓱᐴᖅᑐᕐᓗᒐᕐᒥᑦ ᐊᑐᕐᓂᕐᒧᑦ ᐋᖅᕿᐅᒪᙱᓐᓂᕐᒥᒃ, ᖁᒃᓴᓱᖕᓂᕐᒥᒃ, ᖁᕕᐊᓱᙱᓐᓂᕐᒥᒃ, ᐊᒻᒪᓗ ᓂᐱᓂᒃ ᑐᓵᖃᑦᑕᕐᓂᕐᒥᒃ ᖃᑕᙳᑎᖃᖅᑐᑦ ᐃᓚᖏᓐᓂᑦ ᑕᐃᒪᓐᓇᐃᓯᒪᓂᖃᖅᑐᓂᒃ.
ᐃᓕᓴᐃᔨᒧᑦ ᓄᓇᓛᖅ
ᓱᓇᐅᕙ ᐱᔪᒪᔭᐃᑦ ᐱᓇᓱᒍᒃ? ᐱᓕᕆᐊᖅ ᓴᖅᕿᑕᐅᓚᐅᖅᑐᖅ ᑲᓇᑕᒥᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᓐᓄᑦ ᐃᓕᓴᐃᓂᐊᕐᓗᑎᒃ ᐅᓗᕆᐊᓇᖅᑐᖃᕐᓂᖏᑦ ᓱᐴᖅᑐᕐᓗᒐᐃ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖕᓄᑦ ᐊᒻᒪᓗ ᖃᕆᑕᖅᐱᑦ ᐊᔪᙱᓐᓂᖓᓂᑦ. ᐱᔾᔪᑎᖃᕐᒥᔪᖅ ᐱᔪᒪᓂᖃᕐᓂᖅ ᖃᓄᐃᓕᐅᕐᓂᐅᔪᓂᒃ ᐃᓕᖕᓂᑦ ᐃᒃᐱᒍᓱᒃᑎᑦᑎᔪᓂᒃ ᐱᐅᓂᖅᐹᖑᓂᕐᓃᓐᓂᕐᓂᑦ, ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᒦᓐᓂᕐᒧᑦ ᐅᓗᕆᐊᓇᕐᓂᐅᔪᖕᓇᖅᑐᒦᑎᑦᑎᙱᑦᑐᓂᒃ ᓱᐴᖅᑐᕐᓗᒐᕐᓂᑦ ᐱᔪᓂᒃ.
ᐃᓕᓴᐃᔨᒧᑦ ᓄᓇᓛᖅ
ᐊᐱᖅᓱᐃᔪᓕᕆᑕ:
ᖃᑉᓯᓂᒃ ᐅᑭᐅᖃᓕᖅᑎᓪᓗᑎᑦ ᖃᕆᑕᐃᑦ ᐱᕈᐊᓂᑦᑎᐊᖅᓯᒪᓕᖃᑦᑕᖅᐸ? ᑕᓪᓕᒪᓂᒃ, ᖁᓕᓂᑦ, 15-ᓂᑦ, 20 ᓂᑦ ᐅᕝᕙᓘᕝᕙ 25-ᓂᑦ ᐅᑭᐅᖃᓕᖅᖢᓂ?
(ᐊᐱᕆᓗᒋᑦ ᐃᓕᓴᖅᑏᑦ ᓂᐱᖅᖁᖅᑐᓗᑎᒃ ᐅᖃᖁᓗᒋᑦ ᓇᓚᐅᑦᑎᔪᖅ ᑭᐅᔾᔪᑎ ᓱᓇᐅᖕᒪᖔᑦ. ᑐᓂᓗᒍ ᐊᒥᓲᓛᖑᔪᖅ ᑭᐅᔭᐅᔪᖅ ᐱᔾᔪᑎᓗᒋᑦ ᐃᓕᓴᖅᑐᑦ.)
ᐃᓕᓴᐃᔨᒧᑦ ᓄᓇᓛᖅ
ᓇᓚᐅᑦᑎᔪᖅ25-ᓂᑦ ᐅᑭᐅᖃᓕᖅᑎᓪᓗᒋᑦ. ᖃᐅᔨᓴᐃᓂᕐᒥᑦ ᑕᑯᒃᓴᐅᑎᑦᑎᔪᖅ ᖃᕆᑕᖅ ᐱᕈᐊᓂᒃᓯᒪᖃᑦᑕᙱᑦᑐᖅ ᑭᓯᐊᓂ 25 ᖃᓂᑖᓂᑦ ᐅᑭᐅᖃᓕᕌᖓᑕ. ᐅᕕᒃᑲᐃᑦ ᐊᒃᑐᖅᑕᐅᔪᖕᓇᓗᐊᖅᑐᑦ ᖃᓄᐃᖓᓕᖅᑎᑦᑎᓂᖏᓐᓄᑦ ᓱᐴᖅᑐᕐᓗᒐᐅᑉ ᖃᕆᑕᐅᑉ ᐱᕈᖅᐸᓪᓕᐊᓂᖓᓄᑦ ᐊᒻᒪᓗ ᐊᔪᙱᓐᓂᖓᓄᑦ. ᒪᒃᑯᒃᓐᓂᕐᓂᖅᓴᐅᓗᑎᒃ ᓱᐴᖅᑐᕐᓗᒐᖃᑦᑕᓕᕈᕕᑦ, ᐋᓐᓂᖅᓯᓂᖃᕐᓂᖅᓴᐅᓂᐊᖅᑐᖅ ᐋᓐᓂᐊᖃᖅᑕᐃᓕᒪᓂᕐᓄᑦ.
ᐃᓕᓴᐃᔨᒧᑦ ᓄᓇᓛᖅ
ᐅᑉᓗᒥ ᐱᓕᕆᐊᕆᓂᐊᖅᑕᕗᑦ
- ᐱᓯᒪᔪᓃᖓᔪᑦ ᑐᑭᓯᐅᒪᔾᔪᑏᑦ ᖃᓄᐃᖓᓕᖅᑎᑦᑎᖃᑦᑕᕐᓂᖏᓐᓄᑦ ᓱᐴᖅᑐᕐᓗᒐ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᓄᑦ ᐊᒻᒪᓗ ᖃᕆᑕᐅᑉ ᐊᔪᙱᓐᓂᕆᔭᖓᓄᑦ
- ᖃᓄᐃᓕᐅᕈᑏᑦ ᕿᓂᕈᖕᓇᖅᑕᑎᑦ ᐊᔾᔨᕐᓚᖓᓂᒃ ᖃᓄᐃᓕᑎᑦᑎᓂᖃᖅᑐᑦ ᖃᕆᑕᕐᒥᑦ ᑭᓯᐊᓂ ᖃᓄᐃᖏᓐᓂᖅᓴᐅᔪᒃᑯᑦ
ᐃᓕᓴᐃᔨᒧᑦ ᓄᓇᓛᖅ
ᖃᕆᑕᖅ ᐱᕈᖅᐸᓪᓕᐊᖏᓐᓇᖃᑦᑕᖅᑐᖅ ᑭᓯᐊᓂ 25-ᓂᒃ ᐅᑭᐅᖃᓕᕌᖓᑕ ᐊᒻᒪᓗ ᐃᓚᖏᑦ ᓱᐴᖅᑐᕐᓗᒐᕐᒦᑦᑐᑦ ᐊᓯᐊᙳᖅᓯᔪᖕᓇᖅᑐᑦ ᖃᕆᑕᒦᑦᑐᓂᒃ ᑐᓴᖅᑎᔾᔪᑎᖃᑦᑕᕐᓂᖏᑦᑎᒍᑦ.
ᓱᐴᖅᑐᕐᓗᒐᖅ ᐊᒃᑐᖅᓯᔪᖕᓇᖅᑐᖅ ᐊᔾᔨᒌᙱᑦᑐᓂᑦ ᐃᓚᖓᓂᑦ ᖃᕆᑕᕐᒥᑦ ᐊᒻᒪᓗ ᐊᒃᑐᖅᓯᓗᓂ ᐅᑯᓂᙵᑦ ᐊᑯᓂᐅᔪᒧᑦ:
ᐃᒡᕕᑦ:
- ᐃᒃᐱᖕᓂᐊᕈᑎᖕᓂᑦ;
- ᐊᐅᓚᓂᖅ ᐊᒻᒪᓗ ᑐᑭᒧᐊᒃᓯᒪᔪᖕᓇᕐᓂᖅ;
- ᐃᓱᒪᔪᖕᓇᕐᓂᕐᒥᒃ, ᐸᕐᓇᐃᓂᕐᒥᒃ ᐊᒻᒪᓗ ᐃᓱᒪᓕᐅᕆᓂᕐᒥᑦ;
- ᐃᒃᐱᒍᓱᖕᓃᑦ, ᖁᕕᐊᓱᙱᓐᓃᑦ ᖁᕕᐊᓱᖕᓃᑦ ᐊᒻᒪᓗ ᖃᓄᐃᓕᐅᕐᓂᕐᓂᑦ ᐃᓕᖅᖁᓯᕆᔭᐅᔪᑦ
- ᑐᑭᓯᐅᒪᔾᔪᑏᑦ ᐊᒻᒪᓗ ᑕᐅᑐᒐᕆᔭᐅᔪᖅ
ᐃᓕᑦᑎᑕ ᐱᓯᒪᔪᓂᒃ ᖃᓄᖅ ᓱᐴᖅᑐᕐᓗᒐᖅ ᐊᒃᑐᖅᓯᖃᑦᑕᕐᒪᖔᑦ ᐊᑐᓂ ᖃᕆᑕᒦᑦᑐᓂᑦ, ᐊᒻᒪᓗ ᖃᓄᐃᓕᔪᖕᓇᕐᒪᖔᑦ ᐊᑯᓂᐅᔪᒧᑦ.
(ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᐅᕗᙵᕐᓗᑎᑦ: https://www.canada.ca/en/healthcanada/services/drugsmedication/cannabis/resources/cannabis-brainknow-facts.html)
ᐃᓕᓴᐃᔨᒧᑦ ᓄᓇᓛᖅ
ᓱᐴᖅᑐᕐᓗᒐᕐᒦᑦᑐᑦ ᐊᒃᑐᖅᓯᔪᖕᓇᖅᑐᑦ ᐋᖅᕿᐅᒪᔪᓂᑦ ᖃᕆᑕᕐᒧᑦ ᐃᓚᐅᔪᓂᒃ ᖃᕆᑕᐅᑉ ᐱᕈᖅᐸᓪᓕᐊᓂᖓᓄᑦ.
ᐱᓕᕆᐊᕆᓂᐊᖅᑕᑉᑎᖕᓂᑦ ᑕᐅᑐᒐᖃᕐᓂᐊᖅᑐᒍᑦ ᖃᕆᑕᐅᑉ ᐃᓚᖏᓐᓂᑦ ᐊᒃᑐᖅᓯᔪᓂᒃ ᐃᓱᒪᓂᕐᒧᑦ, ᐸᕐᓇᐃᓂᕐᒧᑦ ᐊᒻᒪᓗ ᐃᓱᒪᓕᐅᕆᓂᕐᒧᑦ.
ᐊᔾᔨᓕᐅᕈᖕᓇᕐᒥᔭᐃᑦ QR ᐃᓕᖕᓂᑦ ᑕᑯᓂᐊᕐᓗᒍ ᖃᕆᑕᖅ.
ᐃᓕᓴᐃᔨᒧᑦ ᓄᓇᓛᖅ
ᖃᐅᔨᒪᕕᑦ ᐅᕕᒃᑲᐃᑦ ᐊᒻᒪᓗ ᐅᕕᒃᑲᐃᑦ ᐃᓐᓇᕈᖅᐸᓪᓕᐊᔪᑦ ᓱᐴᖅᑐᕐᓗᒐᖅᑐᖃᑦᑕᖅᑐᑦ, ᐱᓗᐊᖅᑐᒥᑦ ᓱᐴᖅᑐᕐᓗᒐᐃᑦ THC-ᖃᖅᑐᓂᑦ, ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖓᒍᑦ ᐃᖢᐃᓗᑕᖃᕆᐊᔭᓐᓂᖅᓴᐅᕙᑦ. ᑕᐃᒪᓐᓇᐃᖃᑦᑕᖅᑐᑦ ᓱᐴᖅᑐᕐᓗᒐᐃᑦ ᐃᖢᐃᓵᕆᔪᖕᓇᕐᒪᑕ ᖃᓄᐃᖏᑦᑎᐊᖅᑐᒥᑦ ᖃᕆᑕᐅᑉ ᐱᕈᖅᐸᓪᓕᐊᓂᖓᓂᑦ ᑭᓯᐊᓂ 20 ᕿᑎᐊᓂᑦ ᐅᑭᐅᖃᓕᖅᐸᑕ.
ᐃᓕᓴᐃᔨᒧᑦ ᓄᓇᓛᖅ
ᑖᑉᑯᐊ ᓇᐃᑦᑐᒥᑦ ᖃᓄᐃᖓᓕᖅᑎᑦᑎᖃᑦᑕᖅᑐᑦ ᐊᑐᖅᖢᓂ ᓱᐴᖅᑐᕐᓗᒐᕐᒥᑦ.
ᖃᓄᐃᖓᓕᖅᑎᑦᑎᓃᑦ ᖁᕕᐊᓱᖕᓂᕐᒥᒃ ᐊᒻᒪᓗ ᐃᒃᐱᒋᔭᐅᔪᓂᒃ – ᓱᐴᖅᑐᕐᓗᒐᐃᑦ ᓱᑲᖓᔪᖕᓃᖅᑎᑦᑎᔪᖕᓇᖅᑎᓪᓗᒋᑦ ᐊᒻᒪᓗ ᖁᕕᐊᓱᒃᑎᑦᑎᓗᑎᒃ ᐃᓛᓐᓂᒃᑯᑦ, ᐃᒃᐱᒍᓱᓕᖅᑎᑦᑎᔪᖕᓇᕐᒥᔪᑦ ᐃᖢᐊᖅᓴᙱᓐᓂᕐᒥᒃ ᐃᓚᐅᑉᓗᓂ ᖁᒃᓴᓱᖕᓂᖅ, ᑲᑉᐱᐊᓱᖕᓂᖅ ᐊᒻᒪᓗ ᖁᕕᐊᓱᙱᓐᓂᖅ. ᐊᑐᖅᑕᐅᓂᖏᑦ ᓱᐴᖅᑐᕐᓗᒐᐃᑦ ᖁᑦᑎᖕᓂᖅᓴᐅᔪᒥᑦ THC-ᖃᖅᑐᑦ (ᓲᕐᓗ, ᐳᔪᖅᑐᕈᑏᑦ, ᓵᑐ) ᐊᖏᓂᖅᓴᐅᓕᖅᑎᑦᑎᔪᖕᓇᖅᑐᑦ ᑕᐃᒪᓐᓇᐃᑦᑐᓂᒃ ᐱᑦᑕᐅᖏᑦᑐᓂᒃ.
ᐊᔪᕐᓇᕐᓂᖅᓴᐅᑎᑦᑎᔪᖅ ᐃᓕᑦᑎᓂᕐᒧᑦ ᐊᒻᒪᓗ ᐃᖅᖃᐅᒪᔪᖕᓇᕐᓂᕐᒧᑦ – ᐊᑐᖅᖄᖅᑎᓪᓗᒋᑦ ᓱᐴᖅᑐᕐᓗᒐᕐᒥᑦ, ᐅᔾᔨᖅᑐᓗᐊᕐᓂᖅ ᐊᔪᖃᑦᑕᖅᑐᑎᑦ, ᐃᖅᖃᐅᒪᓗᑎᑦ ᐅᕝᕙᓘᓐᓃᑦ ᐃᓕᑦᑎᓂᕐᒥᒃ ᓱᓇᑐᐃᓐᓇᓂᒃ, ᐊᒻᒪᓗ ᐃᓱᒪᓕᐅᕆᓂᕐᒥᒃ. ᐊᑐᖃᑦᑕᕐᓗᓂ ᓱᐴᖅᑐᕐᓗᒐᒥᑦ ᒥᒃᖠᒋᐊᖅᑎᑦᑎᔪᖕᓇᖅᑐᖅ ᐱᓕᕆᐊᖕᓂᑦ ᐱᓕᕆᑎᓪᓗᑎᑦ ᐅᕝᕙᓘᓐᓃᑦ ᐃᓕᓴᕐᕕᖕᒥᑦ.
ᐊᓯᐊᙳᖅᑎᑦᑎᖃᑦᑕᖅᑐᖅ ᐊᔪᙱᓐᓂᕆᔭᖕᓂᑦ ᐊᑦᑕᕐᓇᖅᑐᖃᙱᑦᑐᒃᑯᑦ ᐊᖁᒃᑎᐅᓂᕐᒧᑦ ᐅᕝᕙᓘᓐᓃᑦ ᐊᐅᓛᖅᑎᑦᑎᑎᓪᓗᑎᑦ ᐱᖁᑎᒥᑦ – ᐊᖁᒃᑎᓪᓗᑎᑦ ᐊᔾᔨᒌᙱᑦᑐᓂᒃ ᐊᑐᕆᐊᖃᕐᓇᖃᑦᑕᖅᑐᖅ ᐊᒻᒪᓗ ᐊᑐᕆᐊᖃᖅᖢᒋᑦ ᐊᒥᓱᐃᑦ ᐃᓂᐅᔪᑦ ᖃᕆᑕᕐᓂᑦ. ᓱᐴᖅᑐᕐᓗᒐᖅ ᒥᒃᖠᒋᐊᖅᓯᔪᖕᓇᖅᑐᖅ ᐊᔪᙱᓐᓂᕆᔭᖕᓄᑦ ᐅᐸᓗᐊᓂᕐᒥᒃ, ᐃᖢᐃᓵᕆᑉᓗᓂ ᐅᔾᔨᖅᑐᕐᓂᕐᒥᒃ, ᐊᒻᒪᓗ ᐊᓯᐊᙳᖅᑎᑦᑎᑉᓗᓂ ᑐᑭᒧᐊᒃᓯᒪᔪᖕᓇᕐᓂᕐᒥᒃ. ᖃᐅᔨᒪᒍᕕᑦ ᐃᓄᖕᒥᑦ ᓱᐴᖅᑐᕐᓗᒐᖃᑦᑕᖅᑐᒥᑦ ᐊᒻᒪᓗ ᐊᐅᓛᖅᑎᑦᑎᓂᐊᕐᓗᓂ ᓄᓇᒃᑰᕈᑎᒥᑦ, ᓄᓇᒃᑰᕈᑎᒧᐊᖃᑎᒋᑦᑕᐃᓕᒃᑭᑦ.
ᐃᓱᒪᖔᕐᓗᑎᑦ ᐅᓗᕆᐊᓇᙱᓐᓂᖅᓴᐅᔪᒥᒃ ᐊᑐᕈᖕᓇᖅᑕᖕᓂᑦ ᐊᖏᕐᕋᐅᓂᐊᕐᓗᑎᑦ. ᐅᖃᓗᒡᓗᑎᑦ ᑖᒃᓯᒧᑦ, ᐅᕝᕙᓘᓐᓃᑦ ᐊᐱᕆᓗᑎᑦ ᐃᓄᖕᒥᑦ ᐅᒃᐱᕆᔭᖕᓂᑦ ᐊᐃᔭᐅᔪᒪᓗᑎᑦ.”
ᐃᓕᓴᐃᔨᒧᑦ ᓄᓇᓛᖅ
ᐊᑯᓂᐅᔪᒥᑦ ᖃᓄᐃᖓᓕᖅᑎᑦᑎᓂᖏᑦ ᐊᑐᖅᑕᐅᓂᖓ ᓱᐴᖅᑐᕐᓗᒐᐃᑦ ᐊᒃᑐᖅᓯᖃᑦᑕᖅᑐᖅ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᒥᒃ ᐃᓚᖏᓐᓄᑦ ᐃᓄᖕᓄᑦ. ᓱᐴᖅᑐᕐᓗᓕᖅᓵᓕᓂᖅ, ᐊᒻᒪᓗ ᐊᑐᕋᔪᒃᓯᓗᒍ ᐊᒻᒪᓗ
ᐊᑐᐃᓐᓇᖃᑦᑕᓕᕐᓗᒍ ᐊᑐᕐᓂᖅᓴᐅᓕᕈᖕᓇᖅᑐᑎᑦ ᖁᒃᓴᓱᖕᓂᕐᒥᒃ ᑲᑉᐱᐊᓱᖕᓂᕐᒥᒃ, ᖁᕕᐊᓱᙱᓐᓂᕐᒥᒃ, ᐃᓱᒪᕐᓗᓕᕐᓂᕐᒥᒃ ᐊᒻᒪᓗ ᓱᓇᐅᖏᑦᑐᓂᒃ ᑐᓵᖃᑦᑕᓕᕐᓗᑎᑦ.
ᐃᓕᓴᐃᔨᒧᑦ ᓄᓇᓛᖅ
ᐊᑐᖅᑕᐅᖃᑦᑕᕈᖕᓇᕐᓂᖏᑦ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐃᖢᐃᓗᑕᐅᔪᑦ ᐊᖏᓛᖑᔪᖅ ᐃᒪᓐᓇᐃᑦᑐᓂᑦ:
- ᒪᒃᑯᒃᑑᑉᓗᑎᒃ ᓱᐴᖅᑐᕐᓗᒐᓕᖃᑦᑕᖅᑐᑦ
- ᐊᑐᕋᔪᒃᑐᑦ ᓱᐴᖅᑐᕐᓗᒐᓂᑦ ᐊᒻᒪᓗ ᐊᑯᓂᐅᔪᒧᑦ (ᓲᕐᓗ,ᖃᐅᑕᒫᑦ ᖃᐅᑕᒫᖅᖃᔭᕐᓘᓐᓃᑦ)
- ᐊᑐᖃᑦᑕᖅᑐᑦ ᓱᐴᖅᑐᕐᓗᒐᓂᑦ ᖁᑦᑎᖕᓂᖅᓴᓂᒃ ᐱᑕᖃᖅᑐᓂᒃ THC- ᒥᑦ (ᓲᕐᓗ,30-90% THC-ᓕᒃ ᐳᔪᖅᑐᕈᑎᓃᖃᑦᑕᖅᑐᑦ ᐊᓯᖏᓐᓂᓪᓗ ᓱᐴᖅᑐᕐᓗᒐᕐᒥᑦ ᐲᖅᑕᐅᔪᓂᑦ ‘ᓇᕿᑦᑕᕈᑎᓄᑦ’)
- ᖃᑕᙳᑎᖏᓐᓂᑦ ᐃᓚᒋᔭᖏᓐᓂᑦ ᐃᓱᒪᒃᑯᑦ ᐋᓐᓂᐊᖃᖃᑦᑕᖅᓯᒪᔪᓂᒃ
ᐃᓕᓴᐃᔨᒧᑦ ᓄᓇᓛᖅ
ᖃᐅᔨᓐᓇᐅᑎᑕᖃᖅᑐᖅ ᐅᖃᖅᑐᓂᒃ ᐊᑐᖅᑕᐅᓂᖓ ᓱᐴᖅᑐᕐᓗᒐᖅ ᒥᒃᖠᒋᐊᖅᓯᔪᖕᓇᖅᑐᖅ ᐊᔪᙱᓐᓂᖏᓐᓂᒃ ᐄᔭᒐᖅᑕᐅᔪᑦ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᓄᑦ (ᓲᕐᓗ, ᖁᒃᓴᓱᖕᓂᕐᒧᑦ, ᖁᕕᐊᓱᙱᓐᓂᕐᒧᑦ) ᐊᒻᒪᓗ ᑭᒡᓕᖃᖅᑎᑦᑎᓗᓂ ᖃᓄᐃᑦᑐᖕᓃᕈᖕᓇᕐᓂᖏᓐᓄᑦ. ᖃᐅᔨᓐᓇᐅᑎᓂᒃ ᑕᑯᒃᓴᐅᖕᒥᔪᑦ ᒥᒃᖠᒋᐊᕐᓗᒍ ᐅᕝᕙᓘᓐᓃᑦ ᓄᖅᖃᐅᑎᓗᒍ ᓱᐴᖅᑐᕐᓗᒐᖅᑐᖃᑦᑕᕐᓂᖅ ᐃᑲᔪᕈᖕᓇᖅᑐᖅ ᐱᐅᓯᒋᐊᖅᓯᓂᕐᒥᒃ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᒥᒃ.
ᓱᐴᖅᑐᕐᓗᒐᐃᑦ ᐊᔾᔨᖓᓂᒃ ᐋᓐᓂᖅᓯᓂᖃᕈᖕᓇᖅᑐᓂᒃ ᐱᑕᖃᕐᒪᑦ ᓯᒡᒐᓖᖅᑎᑐᑦ.” ᑕᐃᒪᓐᓇᒧᑦ, ᓱᐴᖅᑐᕐᓗᒐᓂᒃ ᐱᒐᔪᓗᐊᕐᓗᓂ ᐅᓗᕆᐊᓇᕐᓂᕐᒥᒃ ᐊᖏᒡᓕᒋᐊᖅᓯᔪᖅ ᐊᑯᓂᐅᔪᒥᒃ ᐋᓐᓂᖅᑕᐅᓂᖏᓐᓄᑦ
ᐆᒻᒪᑏᑦ ᐊᒻᒪᓗ ᐳᕙᒃᑎᑦ.
ᐃᓕᓴᐃᔨᒧᑦ ᓄᓇᓛᖅ
ᐅᖃᒃᑭᑦ ᓇᐃᑦᑐᒧᑦ ᐅᕝᕙᓘᓐᓃᑦ ᐊᑯᓂᐅᔪᒧᑦ ᐅᓗᕆᐊᓇᕐᓂᕐᒥᒃ ᐊᑐᖃᑦᑕᕐᓗᓂ ᓱᐴᖅᑐᕐᓗᒐᕐᒥᑦ
(ᐊᐱᕆᓗᒋᑦ ᐃᓕᓴᖅᑏᑦ ᓂᐱᖅᖁᖅᑐᓗᑎᒃ ᐅᖃᖁᓗᒋᑦ ᑭᐅᔾᔭᖏᓐᓂᑦ.)
ᐃᓕᓴᐃᔨᒧᑦ ᓄᓇᓛᖅ
ᓱᓇᓗᒃᑖᓂᒃ ᐃᓕᑕᑉᑎᖕᓂᑦ ᖃᓄᐃᖓᓕᖅᑎᑦᑎᓂᖓᑕ ᓱᐴᖅᑐᕐᓗᒐᐅᑉ, ᑐᑭᓯᐊᓕᖅᑐᒍᑦ ᐊᒃᑐᖅᓯᔪᖕᓇᕐᒪᑦ ᖃᓄᐃᓕᐅᖅᑎᑦᑎᓂᕐᓂᒃ ᐱᓂᐊᕐᓗᓂ ᖁᕕᐊᒋᔭᑉᑎᖕᓂᑦ.
ᐃᓕᓴᐃᔨᒧᑦ ᓄᓇᓛᖅ
(ᐊᐱᕆᓗᒋᑦ ᐃᓕᓴᖅᑏᑦ ᓂᐱᖅᖁᖅᑐᓗᑎᒃ ᐅᖃᖁᓗᒋᑦ ᑭᐅᔾᔭᖏᓐᓂᑦ.)
ᐃᓕᓴᐃᔨᒧᑦ ᓄᓇᓛᖅ
ᐃᓚᒋᔭᐅᔪᑦ ᓱᐴᖅᑐᕐᓗᒐᓂᑦ ᐊᒃᑐᖅᓯᖃᑦᑕᖅᑐᑦ ᐊᒥᓱᓂᒃ ᐃᓚᒋᔭᐅᔪᓂᒃ ᖃᕆᑕᒧᑦ. ᖃᕆᑕᕐᒧᑦ ᐃᓚᒋᔭᐅᔪᖅ ᐃᓚᐅᖃᑦᑕᕐᒥᔪᑦ ᑎᒥᒃᑯᑦ ᖃᓄᐃᓕᐅᕐᓂᖃᖅᑎᓪᓗᑎᑦ.
ᖃᕆᑕᒧᑦ ᐃᓚᒋᔭᐅᔪᖅ ᐊᐅᓚᑦᑎᑉᓗᓂ ᖃᓂᖅᓵᖅᑐᕐᓂᕐᒥᒃ ᐊᒻᒪᓗ ᐆᒻᒪᑎᐅᑉ ᑎᒡᓕᒃᑖᖓᑕ ᖃᑉᓰᖅᑕᕐᓂᖓᓄᑦ, cerebellum, thalamus, basal ganglia ᐊᒻᒪᓗ ᓯᕗᓂᐊᓃᑦᑐᖅ ᐱᓕᕆᖃᑎᒌᖃᑦᑕᖅᑐᑦ ᐊᐅᓚᑦᑎᓂᕐᒧᑦ ᐃᒡᓗᒌᖓᔪᒥᑦ, ᑐᑭᒧᐊᒃᓯᒪᔪᖕᓇᕐᓂᕐᒥᒃ, ᐊᐅᓚᓂᕐᒥᑦ, ᖃᓄᐃᓕᓂᐊᕐᓗᓂ ᐱᕕᖃᕐᓂᕐᒥᒃ ᐊᒻᒪᓗ ᐃᓱᒪᓕᐅᕆᓂᕐᒥᒃ.
ᐱᖃᐃᓕᓴᕐᓂᒃᑯᑦ ᕿᑎᒃᑏᑦ ᐊᒻᒪᓗ ᖃᓄᐃᓕᐅᕈᑕᐅᔪᑦ ᐊᓕᐊᓇᐃᒋᔭᑎᑦ ᐊᔾᔨᒌᙱᑦᑑᑎᓂᒃ ᐊᔪᙱᓐᓂᖃᕆᐊᖃᖅᖢᑎᒃ ᓲᕐᓗ ᑐᑭᒧᐊᒃᓯᒪᔪᖕᓇᕐᓂᕐᒥᒃ, ᖃᓄᐃᓕᓂᐊᕐᓗᓂ ᐱᕕᖃᕐᓂᕐᒥᒃ ᐊᒻᒪᓗ ᐃᒡᓗᒌᖓᓂᖃᕐᓂᕐᒥᒃ. ᓱᐴᖅᑐᕐᓗᒐᖅ ᐊᒃᑐᖅᓯᔪᖕᓇᖅᑐᖅ ᐊᔪᙱᑎᑦᑎᔪᓂᒃ, ᑐᑭᖃᖅᑐᖅ ᐊᒃᑐᖅᓯᔪᖕᓇᕐᒥᔪᖅ ᖁᕕᐊᒋᔭᖃᕈᖕᓇᕐᓂᖕᓂᑦ ᖃᓄᐃᓕᐅᕐᓃᑦ ᐊᓕᐊᓇᐃᒋᔭᕐᓄᑦ.
ᐃᓕᓴᐃᔨᒧᑦ ᓄᓇᓛᖅ
(ᐅᖃᓕᒫᕐᓗᒋᑦ ᐊᑐᓂ ᐊᑐᖅᑕᐅᔪᖕᓇᖅᑐᑦ ᐊᑕᐅᓯᐅᑦᑕᕐᓗᒋᑦ ᐊᐱᕆᓗᒋᓪᓗ ᐃᓕᓴᖅᑏᑦ ᐅᖃᐅᓯᕆᖁᓗᒋᑦ ᑭᐅᔾᔪᑎᖏᑦ ᐊᑐᓂ ᐊᕐᕕᓂᓕᐅᔪᓄᑦ ᐊᑐᖅᑕᐅᔪᖕᓇᖅᑐᓄᑦ))
ᐃᓕᓴᐃᔨᒧᑦ ᓄᓇᓛᖅ
ᐃᓚᖏᑦ ᐃᓄᐃᑦ ᓱᐴᖅᑐᕐᓗᒐᓄᐊᖃᑦᑕᖅᑐᑦ ᐊᒃᓱᕈᓗᐊᕈᖕᓃᕈᒪᑉᓗᑎᒃ. ᓴᖅᕿᑦᑎᓗᓂ ᐊᒻᒪᓗ ᑐᓵᓗᓂ ᑎᑕᒃᑐᓂᒃ ᖁᕕᐊᓱᖕᓂᕐᒥᒃ ᐃᒃᐱᒍᓱᓕᖅᑎᑦᑎᔪᖕᓇᖅᑐᑦ ᐊᒻᒪᓗ ᐊᒃᓱᕈᕐᓂᕐᒥᒃ ᒥᒃᖠᒋᐊᖅᓗᓂ.
ᐱᓕᐅᕐᓗᓂ ᐊᒻᒪᓗ ᓴᓇᙳᐊᒐᓕᐅᕐᓗᓂ ᐱᒋᐊᖅᑎᑦᑎᖃᑦᑕᖅᑐᖅ ᐊᒻᒪᓗ ᓴᑉᑯᐃᑉᓗᓂ “ᐱᐅᔪᒥᒃ ᐃᒃᐱᒍᓱᖕᓂᕐᒥᒃ” ᑑᐸᒦᓐ-ᖑᓂᕋᖅᑕᐅᔪᒥᒃ ᖃᕆᑕᐅᑉ ᓯᕗᓂᐊᓃᑦᑐᖏᓐᓂᑦ ᐊᒻᒪᓗ ᐊᒃᓱᕈᓗᐊᕈᖕᓃᖅᑎᑦᑎᓗᓂ ᐱᑎᑦᑎᓗᓂ ᕼᐅᐊᒨᓐ ᑯᐊᑎᓲᓪ-ᒥᑦ (hormone), ᑯᐊᑎᓲᓪ-ᒥᑦ (cortisol).
ᓱᐴᖅᑐᕐᓗᒐᐃᑦ ᐊᒃᑐᖅᓯᔪᖕᓇᖅᑐᑦ ᐃᓱᒪᔪᖕᓇᕐᓂᕐᒥᒃ ᐊᒻᒪᓗ ᐃᓱᒪᒃᓴᖅᓯᐅᕆᓂᕐᒥᒃ (ᓯᕗᓂᐊᓃᑦᑐᖅ ᖃᕆᑕᐅᑉ), ᖁᕕᐊᓱᖕᓂᕐᒥᒃ ᖁᕕᐊᓱᙱᓕᕐᓂᒥᒃ ᐃᒃᐱᒍᓱᖕᓂᕐᒥᒃ (ᖃᕆᑕᐅᑉ ᓯᕗᓂᐊᓂᑦ, ᐊᒥᒡᑕᓚ (amygdala) ᐊᒻᒪᓗ ᖃᐅᔨᒪᑦᑎᐊᕐᓂᖃᕐᓂᕐᒥᒃ (hypothalamus), ᑕᒪᓗᒃᑖᕐᒥᒃ ᐊᒃᑐᖅᓯᔪᖕᓇᖅᑐᖅ ᐃᓅᑉ ᓱᓇᓕᐅᕆᔪᖕᓇᕐᓂᖓᓄᑦ (ᐊᒻᒪᓗ ᐊᔪᙱᓪᓗᓂ).
ᐃᓕᓴᐃᔨᒧᑦ ᓄᓇᓛᖅ
(ᐊᐱᕆᓗᒋᓪᓗ ᐃᓕᓴᖅᑏᑦ ᐅᖃᐅᓯᕆᖁᓗᒋᑦ ᑭᐅᔾᔪᑎᖏᑦ)
ᐃᓕᓴᐃᔨᒧᑦ ᓄᓇᓛᖅ
ᐃᓚᖏᑦ ᐃᓄᐃᑦ ᓱᐴᖅᑐᕐᓗᒐᓄᐊᖃᑦᑕᖅᑐᑦ ᐊᒃᓱᕈᓗᐊᕈᖕᓃᕈᒪᑉᓗᑎᒃ. ᑕᐅᑐᒡᓗᒋᑦ ᐊᒻᒪᓗ ᓴᓇᙳᐊᒐᓕᐅᕐᓗᓂ ᖁᕕᐊᓱᒃᑎᑦᑎᔪᖕᓇᖅᑐᖅ ᐊᒻᒪᓗ ᐊᒃᓱᕈᕐᓂᕐᒥᒃ ᒥᒃᖠᒋᐊᖅᓯᓗᓂ.
ᐊᔾᔨᕐᓚᒋᔭᖓ ᐃᒻᖏᐅᓯᐅᕐᓗᓂ ᐅᕝᕙᓘᓐᓃᑦ ᑎᑕᒃᑐᓂᒃ ᐃᒻᖏᖅᑐᓂᒃ ᑐᓵᑉᓗᓂ… ᕿᒥᕐᓗᒋᑦ ᓴᓇᙳᐊᖅᑕᐅᔪᓂᒃ ᐊᒻᒪᓗ ᓴᓇᙳᐊᒐᓕᐅᕐᓗᓂ.
ᓱᐴᖅᑐᕐᓗᒐᐃᑦ ᐊᒃᑐᖅᓯᔪᖕᓇᖅᑐᑦ ᐃᓱᒪᔪᖕᓇᕐᓂᕐᒥᒃ ᐊᒻᒪᓗ ᐃᓱᒪᒃᓴᖅᓯᐅᕆᓂᕐᒥᒃ (ᓯᕗᓂᐊᓃᑦᑐᖅ ᖃᕆᑕᐅᑉ), ᖁᕕᐊᓱᖕᓂᕐᒥᒃ ᖁᕕᐊᓱᙱᓕᕐᓂᒥᒃ ᐃᒃᐱᒍᓱᖕᓂᕐᒥᒃ (ᖃᕆᑕᐅᑉ ᓯᕗᓂᐊᓂᑦ, ᐊᒥᒡᑕᓚ (amygdala) ᐊᒻᒪᓗ ᖃᐅᔨᒪᑦᑎᐊᕐᓂᖃᕐᓂᕐᒥᒃ (hypothalamus), ᑕᒪᓗᒃᑖᕐᒥᒃ ᐊᒃᑐᖅᓯᔪᖕᓇᖅᑐᖅ ᐃᓅᑉ ᓱᓇᓕᐅᕆᔪᖕᓇᕐᓂᖓᓄᑦ (ᐊᒻᒪᓗ ᐊᔪᙱᓪᓗᓂ).
ᐃᓕᓴᐃᔨᒧᑦ ᓄᓇᓛᖅ
(ᐊᐱᕆᓗᒋᑦ ᐃᓕᓴᖅᑏᑦ ᓂᐱᖅᖁᖅᑐᓗᑎᒃ ᐅᖃᖁᓗᒋᑦ ᓇᓚᐅᑦᑎᔪᖅ ᑭᐅᔾᔪᑎ ᓱᓇᐅᖕᒪᖔᑦ. ᑐᓂᓗᒍ ᐊᒥᓱᐃᖅᖢᒍ ᑭᐅᔭᐅᔪᖅ ᐱᔾᔪᑎᓗᒋᑦ ᐃᓕᓴᖅᑎᓗᒃᑖᑦ.)
ᐃᓕᓴᐃᔨᒧᑦ ᓄᓇᓛᖅ
ᓇᓚᐅᑦᑎᔪᖅ ᑭᔾᔪᑎ ᑑᐸᒦᑦ ᑑᐸᒦᓐ ᐱᒻᒪᕆᐅᔪᖅ ᖃᕆᑕᕐᒧᑦ ᐃᒃᐱᒍᓱᒃᑎᑦᑎᖃᑦᑕᖅᑐᖅ ᖁᕕᐊᓱᖕᓂᕐᒥᒃ. ᐊᖏᔫᖕᒥᔪᑦ ᐃᓕᑦᑎᑎᑦᑎᓂᕐᒧᑦ, ᑕᐅᑐᒐᕐᓂᕐᒧᑦ, ᐊᒻᒪᓗ ᓱᓇᑐᐃᓐᓇᓂᒃ ᐱᔪᒥᓇᖅᑑᑎᑦᑎᑉᓗᓂ.
ᐃᓕᓴᐃᔨᒧᑦ ᓄᓇᓛᖅ
ᐊᑏ, ᐱᓚᕗᑦ ᐱᔪᒪᔭᐃᑦ ᐱᓇᓱᒍᒃ!
ᐃᓕᓴᐃᔨᒧᑦ ᓄᓇᓛᖅ
(ᐅᖃᓕᒫᕐᓗᒍ ᐊᔾᔨᒦᑦᑐᑦ.)
ᐃᓕᓴᐃᔨᒧᑦ ᓄᓇᓛᖅ
ᓂᕈᐊᕐᓗᑎᑦ ᓇᓕᐊᖕᓂᑐᐃᓐᓇᖅ ᑎᒥᒃᑯᑦ ᖃᓄᐃᓕᐅᕐᓂᕐᒥᒃ ᐅᕝᕙᓘᓐᓃᑦ ᓱᓇᓕᐅᕆᓂᕐᒧᑦ ᖃᓄᐃᓕᐅᕐᓂᕐᒥᒃ. ᒪᕐᕉᖕᓂᒃ ᒥᓂᑦᓂᒃ ᐆᒃᑐᕐᓂᐊᖅᑕᕗᑦ.
(ᐅᖃᓕᒫᕐᓗᒋᑦ ᖃᓄᐃᓕᐅᖁᔨᓃᑦ ᐊᔾᔨᒥᑦ. ᐃᓕᓴᖅᑏᑦ 1 ᒥᓂᑦᒥᑦ ᐃᓱᒪᒃᓴᖅᓯᐅᖅᑎᓪᓗᒋᑦ ᓇᓕᖏᓐᓂᑦ ᖃᓄᐃᓕᐅᕈᑎᓂᑦ ᐃᓚᐅᓂᐊᕐᒪᖔᑕ. ᐋᖅᕿᒡᓗᒍ ᒪᕐᕉᖕᓂᑦ ᒥᓂᑦᒥᑦ ᓄᖅᖃᖅᑎᑦᑎᔪᖅ. ᐱᑐᐃᓐᓇᐅᓕᕈᕕᑦ ᐃᓕᓴᖅᑐᑦ ᖃᐅᔨᑎᓪᓗᒋᑦ.)
ᐱᒋᐊᕐᓂᐊᓕᖅᑐᖅ, ᐋᖅᕿᒡᓗᑎᑦ, ᐊᑏ!
(ᐃᓕᓴᖅᑏᑦ ᖃᐅᔨᑎᓪᓗᒋᑦ ᐊᑕᐅᓯᕐᒥᒃ ᒥᓂᑦᑕᖃᓕᕐᒪᑦ ᐱᓕᕆᐊᒃᓴᖏᓐᓄᑦ… ᑎᒥᒃᑯᑦ ᖃᓄᐃᓕᐅᖅᑎᑕᐅᔪᑦ ᖃᐅᔨᑎᓪᓗᒋᑦ ᐱᖃᑖᓄᑦ ᐊᐅᓚᓂᕐᒧᐊᖁᓗᒋᑦ. ᐃᓕᓴᖅᑏᑦ ᐅᖃᐅᓯᖃᖅᑎᓪᓗᒋᑦ ᐃᒃᐱᒍᓱᖕᓂᕆᔭᖏᓐᓂᒃ.)
ᐃᓕᓴᐃᔨᒧᑦ ᓄᓇᓛᖅ
ᐅᖃᓕᒫᕐᓗᒍ ᐊᔾᔨᒦᑦᑐᑦ.
ᐃᓕᓴᐃᔨᒧᑦ ᓄᓇᓛᖅ
ᐅᖃᓕᒫᕐᓗᒍ ᐊᔾᔨᒦᑦᑐᑦ. ᑕᐃᑯᙵᕈᑎ ᐊᐱᖅᖁᑕᐅᒐᔪᒃᑐᓄᑦ ᐊᒻᒪᓗ ᐊᑐᖅᑕᐅᔪᖕᓇᖅᑐᓄᑦ.
